Pluh ka iingsah U Asst.Director ka Agriculture

Shillong, 3 Lber:
Ka iingsah jong ki nongtrei ka tnad ka rep ka riang ka sorkar jylla (Agriculture)kaba don ha Lum pyngngad, Nong thymmai ka la ingkhong mynta ka sngi hadien ba ka ding kaba klang ka la bam duh ia katei ka ing. Ha katei ka jingjia ka kali sorkar kaba shongdor T.10 lak tyngka ka la ing. Katei ka ing kaba la ingkhong (Assam Type) ka dei kaba sah u Assistant Director katei ka tnad u VL Chhuanawmi, ong ka khubor na ki pulit.
Ka daw jong katei ka jingjia la ong ba ka dei namarba ka jingthud ka bording. Tang mar ia jia katei ka jingjia u MLA ka Nongthymmai u Dr.Jemino Mawthoh u la leit jngoh ia katei ka ing, katba ka Mylliem Block pat ka la sam ia ki jing donkam kyrkieh ha katei ka ing kum u khaw, ka shini bad kiwei pat ki jingbam ki ban kyrshan na ka bynta ka shi taiew.