Shillong: Ha ka sngi 26tarik Kyllalyngkot 2019, la plie ia ka PMGDiSHA (Pradhan Mantri Gramin Digital Saksharta Abhiyan) training center hapoh Rainbow Common Service Center Pyndengumiong, Mairang da u Bah Banteidor Lyngdoh, minister jong ka Sports and Youth Affairs Government jong ka Meghalaya ha ka jingiadon ryngkat lang u Bah Equator Nongrang MDC jong ka Mairang constituency, SDO, BDO jong ka Mairang bad Mawthadraishan Block, ki Srdar jong ka shnong bapher bapher, baroh ki officer jong ki department bapher bapher, ki nongiashim bynta ha kane ka training jong kane ka scheme bad ruh ki nongshong shnong jong ka thain Mairang. Kane ka Rainbow CSC kaba don ha Pyndengumiong Mairang la peit bad pyniaid da I Kong Rose Angeline M Kharsyntiew.
Ha kane ka sngi U Bah Joseph W K Langstieh, u nongtrei kam shimet, u lah ia snoh kti lang bad ai jingiarap ia kane ka CSC da ka Pisa ka ba shong dor 20,000 tyngka.
Ka scheme PMGDiSHA kadei ka scheme jong ka sorkar kmie ha kaba la ai computer training naka bynta kiba 14 snem haduh 60 snem ka rta. Ki ba shim bynta ia kane ka computer training kim donkam ban siew pisa. La kyntu ia ki paidbah ba kin shim ia kane ka lad ka kabu ba kin leit mih sha ki CSC (Rainbow/Digital Seva) kaba don ha baroh ki thain ban ioh ia kane ka jinghikai computer.