Shillong: Kum shi bynta ban kyntu ia ki nongshong ka Jylla ban pynkhuid ia ki sawdong saw kun,U Myntri Rangbah ka jylla u Conrad K Sangma myn hynnin ka sngi, u la plie paidbah ia ka ‘Shillong-My passion’ ka ba la sdang khnang ban kyntu ia ki paidbah ka Jylla ban pynneh pynsah ia ka jingkhuid jing suba ha kylleng sawdong ka jylla Meghalaya.
Ha kane ka sngi ka don ryngkat ka Deputy Commissioner East Khasi Hills ka kong M.W Nongbri, Editor Shillong Times ka kong Pratricia Mukhim, u Vice Chancellor ka skul bah NEHU U S K Srivastava, u Rangbah shnong jong ka Cleave Colony, Lummawbah, bad ki khynnah skul na kylleng ki skul ka sor Shillong.
Haba ai jingkren ha kane ka sngi u Myntri rangbah u la ong “Kane ka jingsdang kam dei tang ia ki ophisar jong ka Sorkar hynrei ka dei ka kamram jong u wei pa uwei u nong shong shnong jong ka Jylla.
“Ngi dei ban don ka jingkitkhlieh ia ki surok,Ki Skul,ki lum ki wah ba kin long ki ba kin long ki ba khuid bad ki ba suba” u la ong.
U Myntri Rangbah u la kyntu ruh ba ngi dei ban ia snohkti lang ha ka ban pyn khuid bad ban pynneh ia ka jingitynnad jong ka shnong ka thaw.
U Myntri Rangbah u la kyntu ruh ia baroh ki Company bad ki karkhana ba kin snoh kti lang ban pynneh ia ki jingkhuid jong ki sawdong sawkun bad ki wah ha ka Jylla.
“Lyngba ka “Shillong My Passion” ka Sorkar Jylla ka buh ia ka jing thmu ba baroh ki nongshong shnong jong ka sor Shillong kin ia snoh kti lang bad ba kin pynlong ia ka Jylla jong ngi ba kan long ka Jylla ba lait na ki jaboh.”u la ong.
Phi don ban ong eiei?