Plie U MR ia ka ophis thymmai ka MPSC

Shillong: Hadien 48 snem, mynta ka sngi, la plie ia ka ophis jong ka Meghalaya Public Service Commission (MPSC) mynta ka sngi ka la ioh ia la ka jong ka ophis, na ka bynta ban treikam hapoh Lower Lachumiere, Shillong.

Ia kane ka ophis thymmai la plie paidbah da u myntri rangbah u Conrad K. Sangma ha ka jing ia don lang u Chairman ka MPSC L.M. Sangma, u Chief Secretary M.S. Rao bad ka Additional Chief Secretary ka sorkar R.V. Suchiang lem bad kiwei kiwei de.

Haba kren ha ka jing plie paidbah, naka liang u myntri rangbah u la ong ba ka thong jong ka sorkar ka dei na ka bynta ban kyntiew ia ka jing iajan hapdeng ki paidbah, khamtam ki samla ban thep kam ha ki tnat bapher ka sorkar Meghalaya naka bynta ban pynsuk bad ai jing iarap iaki paidbah.
“Naka liang ka sorkar nga ai khublei ia baroh kiba don bynta ban pyndep ban tei ia ka Building thymmai jong ka MPSC bad nga kyntu ruh ia ki ophisar ka MPSC ban ai jing iarap iaki samla ka jylla ba kin ioh ban thep kam haki tnat ka sorkar” la bynrap u Conrad K Sangma.

Naka liang u myntri rangbah u Conrad K Sangma, u la ong ruh ba shen ka MPSC kan sa pyntreikam noh ia ka IT Cell na ka bynta ban pynsuk iaka jing treikam bad ruh ban kham pynsting ia ka jing thep kam ki samla hapoh ki tnat ka jylla. Lah ban pynkynmaw ba ka sorkar Meghalaya ka dang iai pynkhreh ban kham pynbha shuh shuh ia ki tnat ka MPSC kiba la wanrah hapoh ki Disctrict ka jylla kynthup ha Tura, Jowai, Nongstoin, Nongpoh, Williamnagar bad ha Baghmara.