Plie U MR, ia ka jingkieng ha Wahrew

Sohra:Myn hynnin ka sngi, la plie ia ka jingkieng ha Wahrew, kaba don ka jingjrong kaba 169.35 metre, kaba iaid halor ka Wahrew bad kaba pyn iasoh ia ka Bholaganj, ka Sohbar bad ka Nongjri.

U Bah Metbah Lyngdoh, lamphang dorbar jylla, U Bah P. Tynsong, Deputy Chief Minister and Minister, U Bah Balajied K Synrem, MLA Shella Constituency, Bah Titos Chyne, CEM, KHADC, Bah Teinwell Dkhar, MDC, Shella Constituency, Bah D.P. Wahlang, I.A.S., Additional Chief Secretary, ha ka jingdon lang ki Sirdar ka Raid Sohbar bad Elaka Nongjri, lem bad kiwei de ki briew jong ka sorkar, ki la ia don lang.

Ka jingkieng Wahrew, ka dei kaba la trei da ka M/S P&R Infra Project Ltd, Chandigarh, na ka skhim jong ka Non Lapsable Central Pool of Resources (NLCPR) Scheme. La pyndep ia katei ka jingkieng ha U Nohprah 2018, kaba shongdor T.4939.50 lak bad katei ka kynthup ruh ia ka jingtrei ia ka surok kaba 6.125 Km, kaba pyn iasoh ia Pynursla bad ka Dawki ha khappud jong ka Bangladesh.

Katei ka surok, ka long kaba donkam shi katdei, namar ba ka pyn iasoh ia kitei ki shnong khappud lem bad ka kad khaii jong ka Bholaganj Land Customs Station bad kan dei ruh ka jaka kaba khring shibun ia ki nongshang kai pyrthei.