Plie u MLA Nongpoh ia ka ophis treikam Ri-Bhoi Shatei Presbytery bad ai sngewbha da ka kali kit nongpang

Nongpoh, 15 K’lyngkot: Ha ka jingiaid lynti ban kynjoh ia u mawmer ba 25 snem mynta u snem naduh bala sdang ïaka ha u snem 2000, ka Ri Bhoi Shatei Presbytery, ki la ioh ban plie paidbah noh ia ka ophis treikam ba pura kaba don ha shnong Pahamlapong, Nongpoh.

Ia katei ka ophis treikam ka Ri Bhoi Shatei Presbytery, la tei ha ka jinglut kaba la kot T. 61 lak bad kaba la leit ban plie paidbah da u MLA ka Nongpoh u Bah Mayral Born Syiem haka jingdonlang u Bah Balajied Ranee MDC ka Nongpoh, u Rev SBn Teron Moderator ka RBP Synod, Tbn RR Pamshong Moderator ka Ri-Bhoi Shatei Presbytery, ki Pastor, ki Tymmen Basan bad kiwei kiwei.

Lyngba jong katei ka sngi, na ka liang u MLA u la aiti ruh ïaka Ambulance sha ka Presbytery ban ai jingshakri ïaki paidbah kiba pang ba shitom bala mang kyrpang da ka skhim CMSDF jong u snem 2024-2025 bad kumjuh ruh ka work order kaba T.5 lakh ban ioh pynheh shuh shuh ïa katei ka building treikam jong ka Presbytery.