Plie u MDC Nongstoin ia ka phutbol, ha Pyndemmawbah

Shillong, 4 Naitung:
Ka Pyndenmawbah Sports& Culture Association ka la plie pyrda ia ka 6th Invitation Football Tournament ha ka 2 tarik u naitung 2013 ha shnong Pyndenmawbah. Ia kane ka phutol, la plie da u MDC jong kane thain u Bah LG Nongsiej uba long u kongsan ha kane ka sngi .
Haba kren ha kane ka sngi plie u Bah LG Nongsiej u la iaroh ia ka Pyndenmawbah Sports & Cultural Association kaba la lah ban pynlong ia kane ka jingialehkai . Ka jing pynlong jong kane ka seng ia ka jingialehkai football kala plie lad plie lynti la ki khynnah samla ha ki shnong bapher bapher kiba hap hapoh jong ka thain Byrki bad ki shnong ba mar jan.
Ula ong ruh ba watla hapdeng bun ki jingeh ba ka seng ka iakynduh ban pynlong ia kum kine ki jingialehkai hynrei ka seng kam shym la kynran dien satia ban kyntiew ia ki kam ialehkai ha kane ka thain.
Na ka liang jong u , u la kular ban ia trei lang bad kane ka seng ym tang ban kyntiew ia ka kam ialehkai hynrei ha kaba iadei bad ki kam pynroi pynpar ruh.
Ha katei ka sngi plie ka la don ka jingialehkai hapdeng ka Mawjarian SC bad ka Byrki SC ha kaba ka jingiakhun hapdeng kine ki ar kynhun ka la long kaba iakhaid ha kaba ym don ba lah ban thep bad ha kajuh ka sngi kala don ruh ka jingiakhun hapdeng ka Mawthar SC pyrshah ia ka Mawkhmahtyngkoh ha kaba ka Mawthar SC ka la lah ban pynliem ia ka Mawkhmahtyrkoh da 2-1.
Ha katei ka sngi plie la iadon ryngkat lang u Sordar jong ka shnong Pyndenmawbah, uBah S.Wanniang,Sordar jong ka shnong Mawkhmahtyngkoh, u Bah Ismelroy Kharbani bad ki nongkitkam jong ka seng.