Nongpoh: U Bah Donkupar Sumer, MDC ka Umsning (EM) ka KHADC bad uba dei ruh u Kyrtong ka UDP na ka bynta ka Ilekshon MDC na Umsning jong u snem 2019, ha ka sngi Balang u la plie paidbah ia ka Annual Sport Meet 2018 jong ka St. Michael’s Higher Secongdary School, Umsning.
Ha kaba plie ia katei ka Annual Sport Meet 2018 jong katei ka skul, la sakhi ruh da ka jingdon u Bah VS Nongbet (DSEO) ka Ri Bhoi, ki nongpyniaid ka skul, ki nonghikai, ki kmie ki kpa, ki khynnah skul lem bad ki khynnah skul barim jong katei ka skul.
Ha katei ka sngi, la ioh ia ka jingkren na u Bah Bah Donkupar Sumer, ha kaba u la pynpaw ia ka jingkmen ban iohi ba ka skul ka la pynlong ia katei ka Sport Meet, kaba dei ruh kawei na ki lad ban kyntiew ia ki kam ialehkai sports jong ki khynnah skul.
Haba kren pynshlur ia ki khynnah skul, u Bah Donkupar Sumer, u la ong ba kum ki khynnah skul, nalor ba ki pynleit jingmut ha ka pule puthi, hynrei ki dei ruh ba pynleit jingmut ha ki jingialehkai la ka long ha kano kano ka bynta jong ka jingialehkai.
Ha kajuh ruh ka por, u la ruh ia ki bor pyniaid jong ka skul ba nangne sha khmat lada pynlong biang ia kum kane ka sport meet, khnang ba kan long shisha ka jingkyrkhu na ka bynta jong kito ki khynnah kiba don shisha ia ka sap ha ki kam ialehkai Sports bapher bapher bad kiba lah ban wanrah nam ym tang ia ka skul, hynrei ka ka thain ka Dong bad ka jylla hhi baroh kawei.
Ha kaba sdang jong kane ka Sport Meet, la sakhi ruh ia ka jingiamareh Race jong ki khynnah kiba hapoh 13 snem ha ka 100 Meter Race ki shynrang kumjuh ruh ka 200 Meter Race hapoh 16 snem ki kynthei lem bad kiwei kiwei.