Plie u ma Sniawbha ia ka Surok ha Mutong

Jowai, 1 Jymmang:
U Myntri ka tnad badei peit ia ka bording u ma Sniawbhalang Dhar mynha kane ka sngi saitjain u la plie paidbah ia ki surok kaba la shna ha ka thain San Shnong ha ka jinglut kaba 1 klur na ka bynta 9 km haba kheinlang.
Ha kane ka sngi la pynlong ia ka jingialang paidbah ha ka shnong Muthong hapoh ka jingpyniaid jong u Rangbah Shnong u ma Helping Phawa.
La iadonlang ruh u ma Justine Dkhar, MLA ka thain bad u MDC ka thain u ma Laski Rymbai nalor ki rangbah shnong bad ki paidbah nongshong shnong katei ka thain.
Ia katei ka surok pohshnong latei lyngba ka skim SPF na ka tnad NEC jong ka PWD, East Jaintia Hills.
U ma Sniawbha ha kane ka juh ka sngi u la plie paidbah ruh ia ka shad sukra ka shnong Mutong.
Haba kren ha ka jingialang, u ma Sniawbha u la kular ban synniang na ka skim sorkar haduh 5 lakh na ka bynta ban iarap pisa ia ka shnong na ka bynta ban tei ia ka iing dorbar (Community Hall cum Indoor Hall) kaba ka shnong ka la mang ban pyllut haduh 45 lakh.
Ka Shnong Mutong ka la dep ioh ruh ia ka skim kaba 5 lakh na u MP, u ma Vincent Pala na ka bynta katei ka jingthmu jong ka shnong.