Plie U Ma Justine ia ka Class XI, XII jong ka Tia Chaphrang

Jowai, 12 Jylliew:
U ma Justine Dkhar u ba dei u parliamentary Secretary jong ka sorkar jylla u la plie donburom ia ka skul Tia Chaphrang Higher Secondary School, Sohkymphor mynta ka sngi ha ka jingiadonlang ki riew rangbah ka shnong Sohkymphor ki nonghi kai, ki khynnah nalor kiwei kiwei.
Ka jingkyntiew kyr dan, ia katei ka skul sha ka kyrdang Higher Secondary School ka long ka jinigiarap kaba khraw ia ki khun ki kti bad ia ki kmie ki kpa ka shhnong sohkymphor bad ki shnong ba marjan.
U ma Justine Dkhar kum u kong san u la ong ba ha kne ki sngi, ki khynnah kiba la pass matrik ki shem jingeh shi katdei eh ban ioh rung ha ki college lane ki sklul bapher bapher ha sor.
“Ka jingdon kane ka skul ha ka thain nyngkong dong kan iarap ym tang ia kane ka shnong hynrei ia ki marjan shnong kumjuh”, long u ma Justine.
U la kyntu jur ia ki kmie ki kpa, kumjuh ia ki rangbah shnong bad ia ki paidbah nongshnong shgnong ba kin ai ka jingiatreilang bad katei ka skul khnang ba kan lah ban ai ka jingshakri kaba bha ia ki khun ki kti jong ka shnong ka thaw. U la iaroh ruh ia u ma Protasius Suiam uba dei u nongseng ia katei ka skul haduh ba ka la ioh ia ka kyrdang na ka bynta ki Class XI bad Class XII. U la ong ba une u rangbah uba la seng ia kane ka skul u long u rangbah uba don ka jingiohi jngai. U la ong shuh shuh ba ka jingdon kane ka skul ym tang ba ka iarap ban sam ia ka jingnang jingstad ia ki khun ki kti jong ka shnong, hynrei ka la lah ruh ban ai kam ai jam ia ki samla kiba la nang la stad. U ma Justine u la kyntu ruh ia ki nonghikai ban trei hok ia ka kam kum ki noinghikai. Ki nonghikai ki dei ki nongsaindur ia ka lawei ki khynnah pule bad kum ki nonghikai ki dei ban long kiba trei shitom bad kiba trei naduh ka mynsiem.
Ha kane ka sngi la sam ruh ia ki syrnod kum ka dak ban pynshlur bad ban iaroh ia ki 20 ngut ki samla pule kane ka skul kiba dang shu pass ia ka SSLC Examination. Ki don haduh 23 ngut ki ba la ialeh ia ka SSLC Exam bad 20 ngut ki la pass- 2 ngut ki la ioh distinction. Uwei u la ioh Distinction ha ka subject Khasi bad kawei pat ka la ioh haduh 4 tylli ki Distinction. Kiba la ai jingkren ha kane ka sngi ki kynthup ia u ma  Sevenborn Tang, Ex- MDC, u Rangbah shnong, u ma Kmen Lapasam bad kiwei kiwei.