Plie u Dr. D.D Lapang, ia ka building ba thymmai ka Nehru Memorial HSS ha Umsning

Nongpoh: U Dr. D.D Lapang, Nongaibuit ka sorkar jylla, hynnin ka sngi u la leit ban plie paidbah ia ka Building ba thymmai ka skul Nehru Memorial Higher Secondary Umsning, ka building ba thymmai bad paka na ka bynta ki Higher Secondary.

Ia katei ka building kaba la plie paidbah hynnin ka sngi, la tei lyngba ka jingiarap pisa da ka Asian Development Bank, Supporting Human capital development in Meghalaya ha ka jinglut kaba la poi haduh T. 2.69 klur.

Kiba la sakhi lang ha katei ka sngi, ki kynthup ia u Bah Jason Mawlong MLA Umsning, kong Macdalyn Mawlong MDC ka Umsning, Kong RM Kurbah Deputy Commissioner ka Ri-Bhoi District, Bah L Lapang Principal ka Nehru Memorial HSS, Bah N Nongsiej President ka MC, ki Rangbah Shnong, ki nonghikai, ki khynnah skul lem bad kiwei pat.

Katei ka iing building ba thymmai jong ka skul ka don ia ki library, science lab, bad digital classroom, computer room, girls activity room, arts and craft room bad kiwei kiwei kiba dei katkum ka juk ba mynta.