Plie u DC ia ka Youth Cultural Centre ha Nongkrem

Shillong, 14 Nailar:
U Deputy Commissioner ka East Khasi Hills u Sanjay Goyal u la plie ia ka Youth Cultural Centre ha Nongkrem kaba don ha East Khasi Hills ha kane ka sngi Balang.
Ia kane ka projek la tei ha ka jinglut kaba T. 17.90 lak ba la bei pisa da ka Art bad Culture bad ka Nongkrem Youth Development Association (NYDA).
Ka Art and Culture ka la noh synniang T. 9.90 lak katba ka NYDA ka la noh synniang T.8 lak.
Haba kren ha kane ka sngi, u Goyal u la pynpaw ia ka jingsngew kmen ba la sain dur ia kane ka projek.
Ka long kaba sngew tynnad ban iohi ba ka NYDA ka la noh synniang na ka bynta ka jingroi jingpar jong ka shnong.
“Nga sngewsih haba bun ki iing ki sah khlem don ba pyndonkam da ki snem hadien ba la plie. Nga kyrmen ba kane ka iing kan long kaba larkam”, la ong u Goyal. U la ong ba kane ka projek ka thmu ban saindur ia ki samla jong ka shnong ha ka liang ka put ka tem bad kiwei ki jingdonkam.
Ha kajuh ka por, u Deputy Commisioner u la ong ba ka Nongkrem ka don ki lad kiba long kum ka lad ban kyntiew ia ka kam jngohkai pyrthei namar ka jingitynnad ki jingbuh jingsat jong ka mariang.
Kiwei kiba kren ha kane ka jingialang plie ki long u chairman ka Nongrkem Trust Committee Bah Medistar Warbah, u general secretary la Nongkrem Dorbar Pyllun Bah A Dkhar bad u chairman ka Nongkrem Dorbar Pyllun u Bah B Lyngdoh, u BDO ka Mawryngkneng Bah AS Mukhim bad kiwei.