Shillong: Mynta ka sngi, ka 31tarik Nailar 2023, ka Jaiñtia National Council, Khliehriat Circle, hapoh ka jingialam u General Secretary Bah Mebanteilang Sukhlain, ka la leit ban jurip ia kawei ka office hapoh East Jaintia hills, ka Tourist Officer and Information centre, hadien ba ka seng ka la ioh jingujor na kiba bun ki nongshong shnong ka thaiñ ba ym ju don nongtrei ha kata ka ophis. Ha ka jing jurip, ka seng, ka lap ba ka ophis, ka plie tang ka jingkhang, hynrei ym don satia wat tang u peon ruh bad la ioh jingtip ruh ba u ophisar, ba dei peit ia katei ka tnat um juh wan trei la kumba 1 snem. Halor kane ka seng ka dawa ba u officer, u dei ban pynshai ba na kaei ka daw ba um juh wan, namar kane ka buh jingeh ia ki paidbah khamtam ha ka kam shang pyrthei, ba lada ym don nongtrei kumno yn lah ban kyntiew, ia ka kam shang pyrthei, ha ka thaiñ.
Ka seng ka buh jing jingkylli ruh ba ka sorkar ka ai tulop ne em ia kine ki nongtrei bym ju wan, kumba la paw ba bun ki jaka jngohkai, kiba don ha kane ka thaiñ.
Halor kane, ka seng ka la iakynduh ruh bad u Deputy Commissioner ka East Jaintia hills, U A. Baranwal ban leh ei ei halor katei ka tnat treikam khnang ba kan lah ban ai ka jingshakri kaba pura ia ka thaiñ.
Phi don ban ong eiei?