Shillong: Ka Umroh Sports Club ka lah ioh ban plie pyrda ia ka 5 Aside Football Tournament myn ha ka 8 tarik. Ha katei ka sngi lah wan plie da u president bad secretary ka Young XI Sports Club na Jaiaw, kata u bah Ban Shanpru ryngkat u Rangbah Shnong Mawkasiang, u bah Tishalding Kharkongor.
Ki kongsan ha katei ka sngi ki lah ai mynsiem ia ka club ba kin sdang ia kum katei ka jingialehkai ha ka thain bad ruh ki lah ai mynsiem ia ki rangialehkai ba kin trei shitom ban poi sha ka thong.
Ki lah ai mynsiem ruh ban pyn shlur ia ki khynnah sha katei ka thain ba ki dei ban ialehkai kum kane ka jingialehkai.
Na ka liang u rangbah shnong u lah kyntu ia ki samla ba kin kiar na ki jing mylien ba sniew bad dei ban minot ha ka pule bad kumjuh ha ki jingialehkai ban pyn sngewtynnad ia ka met
Lah ioh ruh ban pynher ia ka lama Jong ka club da u rangbah shnong. Ha katei ka lympung ki don 29 tylli ki team kiba ia shim bynta bad ha ka sngi plie lah ia lehkai da ka Umroh S.C pyrshah ia ka FSLC(nongrah).Ha kane ka jingialehkai lah jop da ka FSLC da 5 la 3 goal ia ka Umroh S.C.
Phi don ban ong eiei?