Nongstoiñ: Ka Laitkseh Sport Club (LSC) kala ioh ban plie pyrda noh ia ka 1st Laitkseh Baby league 2019 kaba dei ruh ka lympung ialehkai phutbol kyrpang tang na ka bynta ki heprit bad ia katei ka lympung la wan ban plied a u bah B. Marbaniang u wei na ki riew rangbah u bala kham paw jong ka thaiñ West Khasi Hills kum u kongsan.
Ha shwa ban sdang ia katei ka lympung ialehkai ki heprit, ka la don shwa ka jingialang kaba lyngkot hapoh ka madan Mawkynjoin ha Laitkseh ha ryngkat ka jingiadon lang ruh u Samla John Fisher Nongsiang President ka Seng KSU WKH, u Sordar ka shnong Laitkseh ki riew rangbah jong ka shnong ki dkhot ka LSC ki kmie ki kpa bad kiwei kiwei.
Ha katei ka lympung ki don haduh 8 tylli ki kynhun kiba la wan ban iashim bynta ha katei ka tournament bad napdeng kine kham bun kidei na Mairang Civil Sub Division, bad don ruh kiba na Mawthadraishan bad na Nongstoiñ C & RD Block bad katei ka lympung kan don haduh 168 tylli ki jingialehkai.
Shuh shuh ki don ruh lai tylli ki kyrdan katta ha ki Under-8, U-10 bad U-12 bad haba khein kyllum ia baroh ki kynhun na ki ne ki lai tylli ki kyrdan ki don haduh 24 tylli bad kumba 250 ngut ki players kiba ia shim bynta.
Haba phai sha katei ka sngi sdang ia katei ka lympung ha ka under -12 ka St Joseph Sec School kala ia khaid da mar shikol bad ka Marngor SC, ka Amigos FC kala pynliem noh da 2 kol la 1 ia ka Markasa Sport Club, ka Springfield laitkseh Challengers kala ia khaid da mar 2 kol bad ka Little Star Clouded Leopard FC katba ka Marang Jaidoh UPS kala pynliem noh da 4 kol la 1 ia ka Seven Brother Secondary School.
Ha ka Under -8 ka Markasa SC kala pynliem noh da 8 kol la 0 ia ka St Joseph Secondary School, ka Amigos Fc kala poi noh ha ka jing ia khaid da mar shikol bad ka Little Star Clouded Leopard FC, ka Marang Jaidoh UPS kala pynliem noh da 2 kol la 1 ia ka Springfield Laitkseh Challengers , katba ka Marngor SC kala pynliem noh da 4 kol la 0 ia ka Seven Brother School.
Ha ka under -10 ka Markasa SC kala pynliem noh da 6 kol la 0 ia ka St.Joseph Sec School, ka Little star clouded Leopard Fc kala pynliem noh da 3 kol la 1 ia ka Amigos FC, ka marang jaidoh UPS kala pynliem noh da 2 kol la 0 ia ka Springfield Laitkseh Shallengers , katba ka Seven Brother Secondary School kala pynliem noh da 4 kol la 1 ia ka Margor SC
Phi don ban ong eiei?