Shillong:Ka KSU Mawlai Circle kum ka dak ban rakhe iaka lyngkhuh snem ba 40 jong ka KSU hi baroh kawei haka ban shakri iaka Ri bad ka Jaidbynriew ha ka 25tarik, ka la plie pyrda ia ka Mawlai Open Basketball Tournament 2019 (Knock out) ha Madan Basketball jong ka Shnong Mawlai Nonglum (Iew Nonglum).
Ha shwa ban plie pyrda iaka jing ialehkai ladon shwa ka jingialang ha katei ka jaka,ha kaba iaka jingialang la pyniaid da u Samla Badonbok Malñgiang (Sports Secretary KSU Mawlai Circle) ula long u Shongknor ba pyniaid iaka jing ialang,iaki kyntien pdiang sngewbha bad Maitphang laioh na u Samla Mac Iver Thabah (Vice President KSU Mawlai Circle).
La ioh ruh ka jingkren na u Samla Rangbah Bah Joe Joplin Marbañiang uba long u President barim bad Nongialam barim jong KSU Sengkmie uba la long kum u Symbud Kongsan ha katei ka sngi bad ruh na u Bah Kynsai M.Lyngdoh (President Mawlai Town Dorbar) uba long u Kongsan ha katei ka sngi.
Ki ar tylli ki Team kiba iakhun ha katei ka sngi ka long ka Iengskhem pyrshah iaka Jag’s Ballers,ha ka jingiakhun ka long kaba itynnad bha bad kaba iakhaid bha kaba la pynshoh biej iaki khmat jong ki nong peitkai bad kumba ju long hi ba haman ki jing ialehkai ju don kaba jop bad kaba rem, kumta ha kaba khatduh ia ka namjop la iohrah da ka Jag’s Ballers 51points katba ka Iengskhem kala hap ban mad iaka namrem da kaba hap ban hun noh tang da 48points. Kane ka long katkum ka kyrwoh na u Samla Badonbok Malñgiang (Sports Secretary KSU Mawlai Circle).