Shillong:Ryngkat ka jingthmu ban kyntiew ia ka kam ialehkai phutbol, ka Mawutieng Sports and Cultural Club ha ka 13tarik Lber 2021 ka la plie pyrda ia ka lympung ialehkai phutbol ba la tip kum ka IIIrd Mawutieng Invitation Football Tournamnet 2021 ha madan Thoh lyndit, Sohryngkham. Ia kane ka lympung la wan ban plie pyrda da u kongsan Bah Pyniaid Sing Syiem, MDC jong ka 6-Sohryngkham Constituency, ryngkat ka jingiadon lang i bah I. Dkhar, Sordar jong ka shnong Sohryngkham bad ki riew rangbah jong ka shnong Sohryngkham.
Ia kane ka lym pung ialehkai phutbol la pynlong ha madan Thoh lyndit, Sohryngkham bad ki kynhun ba la ia ai reng ha kane ka sngi plie ki long hapdeng ka Tynring FC pyrshah ia ka Young star FC bud pat ka jingialehkai ka ba ar hapdeng ka Mawlyndep SC pyrshah ia ka Iatyl lilang SC. Ha ka jing ialehkai ba nyngkong ka la kut noh ha ka jingia khaid khlem da don ba thep kol. Kumta lah rah noh sha ka tie-breaker ha kaba ka Youngstar FC ka la pynliem da 6-5 kol ia ka Tynring FC. Ha ka jingialehkai ba-ar ka kynhun ialehkai Maw lyndep SC ka la pynliem da 2-0 kol ia ka Iatyllilang SC. Ia ka kol ba nyngkong lah ioh ban thep da u Rikmen Nong rum ha ka 24 minit, bad ka kol ka ba-ar lah ioh ban thep biang da u Rikmen Nongrum ha ka 34 minit.
Na ka liang ka synjuk ka pyntip ba kan don biang ka jingialehkai ha ka 20tarik Lber, 2021. Ha kane ka sngi kan don ka jingialehkai hapdeng ka Ri-Yan FC (Sohryng kham) pyrshah ia ka Dream Clippers (Shillong) ha ka por 12.30 PM. Pynbud pat da ka jingia lehkai ba-ar hapdeng ka Maitshaphrang FC (Jaintia Hills) pyrshah ia ka Triple-L (Laitlum) ha ka por 2.30 PM. Ka synjuk ka khot ka wer ia baroh ki riew ieit phutbol ban ia wan ban sakhi da la ki jong ki khmat ia kine ki jing ialehkai. Ka bai rung na ka bynta ki nongpeitkai ka long tang 30 tyngka marwei.
Phi don ban ong eiei?