Shillong: Ka Mawryngkneng Cultural & Sports Club ka la plie pyrda mynta ka sngi ia ka 1st Grosswell Mylliemngap Memorial Football Tournament 2021 ha madam Mawryngkneng stadium.
Ia kane ka Tournament la plie pyrda da ka kong Adele Jyrwa, kaba dei ka khun khatduh jong u bah Grosswell Mylliemngap ha ka jingdon ryngkat U Sordar jong ka Dorbar Shnong Mawryngkneng u bah Peter J Lawai, ki Rangbah Dong, ki nongialam ka MCSC.
Shwa ban sdang kane ka Tournament la ioh jingkren na u Sordar ka Shnong Mawryngkneng u bah Peter J Lawai u ba la iathuh ba Development ba radbah hapoh ka shnong Mawryngkneng ka urlong dei na ka matti une u Rangbah naduh ka Block office, Ka PHC, ka ophis Veritinary bad ki school hapoh ka shnong Mawryngkneng.
La ioh ka jingkren na u khun shynrang u bah Grosswell Mylliemngap u Dr.O.S.Jyrwa u ba la iathuh ia ka jingim jong une u nongialam uba long u nongmihkhmat ba nyngkong jong ka Sohryngkham Constituency naduh u snem 1972 haduh 1988.
Haba phai sha ka jingialehkai Football ha kane ka sngi sdang hapdeng ka Puriang bad Ka Nongkhroh Mawsiang, ka Puriang ka la jop da ka Tie-breaker 6-5 hadien ba ka jingialehkai ka kut hapdeng ka jingiakhaid da 0-0.
Ha ka jingialehkai kaba ar pat ka Nonghali ka la pynliem noh ia ka Nangkiew FC na Smit da 3-1 Kol .
Ia ka kol jong ka Nonghali la ioh thep da u Haken Kharsati (12′), Ialam Mynsong (42′) bad Kampher War (61′) .Katba ia ka kol jong na bynta ka Nangkiew FC la ioh pynkhih jar da u Kitbok Kharbihkhiew ha ka minit ba 85.
Phi don ban ong eiei?