Shillong:Ka Marwari Yuva Manch, Shillong (MYM) ha ryngkat bad ka Marwari Samaj, kin plie ia ka COVID Care Unit and Quarantine Centre for COVID Positive ha Balika Vidyalaya School, Keating Road, Shillong.
La sdang ia katei ka jingtrei ha ka 12tarik Jymmang bad la pyndep, ha ka 19tarik Jymmang 2021 bad la aiti mynta ka sngi, sha ka tnat ka koit ka khiah ka sorkar jylla.
La plie ia katei ka centre, da U bah A L Hek, myntri ka koit ka khiah, ha ka jingdon lang U Ram Kumar S, IAS, Mission Director, NHM. Ka dei ka kamra, kaba 32 jingthiah bad yn pyniaid da ka NHM, Meghalaya. Katei ka centre, kan sumar, tang ia kiba pang COVID.
Ka Marwari Yuva Manch, kan pynbiang ia ka bam ia ki nongpang bad ia ki nongtrei, kiba don ha katei ka centre lem bad kiwei ki jing donkam, ki bym iadei bad ka jing sumar ia ki jingpang jong ki briew.
Phi don ban ong eiei?