Shillong:Ka Nongthymmai cultural and sports club Huroi hynnin ka sngi ka 21tarik Nohprah 2023, ka la ioh ban plie paitbah ia u mot sahnam jong ki nongseng jong ka tei ka sports club,ha madan ialehkai jong ka Nongthymmai cultural sport club,ha kaba la wan sakhi lang ka MLA ka 5 Sutnga saipung constituency ka kong Santa Mary Shylla kaba la long ruh kum ka kongsan. Ha katei ka sngi plie, la iadonlang ruh ki nongialam shnong naduh u Rangbah shnong jong ka shnong Huroi bah Golden Marbaniang, u secretary jong ka shnong bah Raja L Suchen, ki riew pawkhmat jong ka thaiñ kum u bah Daya Lamare, ki nongialam kane ka sports club,ki riew rangbah, ki samla jong ka shnong Huroi bad kiwei kiwei. Ha shwa ban pynlong ia kane ka prokram, ka la don ka sports meet kaba arsngi kaba la pynlong da kane ka Sports Club, ha kaba la pynialehkai kum ki Race, Long jump bad kumta ter ter.
Ha katei ka sngi ka la don ruh ka jingialeh football friendly match kaba la iakhun da ka Hingaria sc bad ka Youngstar sport club,Huroi, ha kaba ka jing jop ka la leit sha ka youngster sport club,Huroi, kaba la ioh ban pynkhih ia ka jar shi kol. Haba phai sha kane ka prokram jong ka jingplie paitbah jong ka sport club, ia une u mot sah jingkynmaw jongki nong seng ia kane ka club, haba ai jingkren ka MLA, ka kong Santa Mary Shylla ka la kyntu kynpham ia ki nongkitkam jong kane ka Sports club ba kin nanglah shuh trei ban trei shitom ia ka jingbha jingmiat ka shnong ka thaw bad ka imlang sahlang bad ka la ong ruh ba kan ia trei ryngkat ryngkat lang bad ki paitbah bad ki nongialam jong ka shnong ban warah ia ka jingkylla ha kaba ia dei bad ka shnong bad kumjuh ruh bad kane ka sport club bad ka la ong ruh ba kum ka sub center kaba don hapoh ka shnong kan iaid lynti ban bud dien khnang ban ioh pynkiew noh sha ka PHC ia kane ka jaka ai sumar bad ka surok Sunapur shaduh Huroi,ka iew border hat, kan trei shitom ban bud dien ba kin ioh ban pyndep noh khnang ba ki paitbah kane ka shnong kin khamsuk.
Shuh shuh la ioh ka jingkren na u Rangbah shnong bah Golden Marbaniang, ula iathuh ba kane ka Nongthymmai cultural and sports club Huroi ka dei kawei na ki sports club kiba don hapoh ka shnong kiba kham kiew ha ka liang ka jingialehkai sport bad la ong ruh ba kane sports club ka donkam ba kan don ka madan ialehkai ka ba biang kum ka mini gallery bad khamtam ka kynroh ban kynroh ia ka madan.
Phi don ban ong eiei?