Plie ka myntri ia ka ATM MCAB

Shillong, 16 Nailur:
Ka Myntri ka tnad kam pynroi sor ka Kong Ampareen Lyng doh hynne ka sngi Hat majai ka la plie ia ka ATM kaba san jong ka Meghalaya Cooperative Apex Bank Ltd (MC AB) ha Laitumkhrah.
Ha kane ka sngi plie ia ka ATM la ia donlang ryngkat bad u chairman ka MCAB u BahW Kyndiah, u Managing Director u Bah DF War bad kiwei kiwei de ki nongtrei katei ka Bank.
Ka kong Lyngdoh ha kane ka sngi ba plie ia ka ATM ka la iaroh ia ka jingtreikam jong katei ka Bank ban ai ka jingshakri kaba khambha ia ki paidbah khamtam ia ki paidbah katei ka thain Laitumkhrah.
Ha ka 18 tarik Nailur ka MCAB kan sa plie ia ka tnad kaba 47 ha ka jylla ryngkat ka ATM kaba 6 ha Demthring ha East Khasi hills district. Ia kane ka tnad jong ka bank yn sa plie da u Bah HDR Lyngdoh u Myntri ka tnad Cooperation.
Ka MCAB ka la buh thong ba kan plie shuh shuh ki ATM ha Tura, Jowai, Nongstoin, Nongpoh bad ha Williamnagar ha ki sngi kiba sa wan.