Plie ka MCAB ia ka tnad kaba 47 ha Demthring

Shillong, 18 Nailur:
U Myntri ka Cooperation u Bah HDR Lyng doh hynne ka sngi u la plie ia ka tnad kaba 47 jong ka Meghalaya Cooperative Apex Bank Ltd (MCAB) bad ia ka ATM ha Demthring.
Kane kadei ka branch kaba 47 jong ka MCAB ba la plie ha kane ka jylla,bad ia ka ATM kaba 6 ha ka jylla.
Ha kane ka sngi la donlang u MLA kane ka thain u Bah Jemino Maw thoh kum u symbud kong san, u Chairman ka MCAB u Bah WK Kyn diah u ba pyniaid ia kane ka jingialang,u Managing Director ka MCAB u Bah DF War nalor kiwei pat. U Bah Kyndiah haba kren ha kane ka jingialang u la iathuh ia ki khana jingjop jong ka MCAB bad ia ka thong jong ka ban pyniar ia ka jngtrei kam ha baroh ki 11 district ha ka jylla na bynta ban shakri ia ki paidbah.
Katba u Bah DF War u la batai lyngkot ia ki jingtreikam bad ki jingiaid lynti jong ka Bank ha kine ki 43 snem ba ladep.
U kongsan ha kane ka sngi u Bah HDR Lyng doh u la iaroh ia ka jingtreikam jong ka MCAB kaba la lah ban ai ia ka jing shakri ia ki paidbah na ki sngi sha ki sngi. U la kular ruh ban a ka liang jong ka sorkar kan ai ka jingkyrshan na bynta ban pynkhlain shuh shuh ia ka jngtreikam kane ka bank.
La ioh jingkren ruh na u Symbud kongsan u Bah Jemino Mawthoh u la ong ba kane ka MCAB kan wanrah jing myntoi ia ki paidbah khamtam ia ka konstiwensi jong u.
Ha kane ka sngi la ioh ruh ia ka jingkren na u Rangbah Shnong ka Demthring bad ka Ma danriting.