Plie ia ka thanat pulit, kaba 75 ha ka Jylla

Shillong:Ka Crime Branch Police Station, East Khasi Hills, Shillong kaba long ruh ka thanat ba lah ïoh ki jinghikai pynkyrpang, kaba juh peit ruh khambun ki jingtohkit halor ki kam pyntriem ne ki criminal case, la plie mynta ka sngi da u R. Chandranathan, IPS Director General of Police, Meghalaya ha ka jingïadonlang ka Kong I. Nongrang, IPS Addl. Director General of Police (L&O/TAP), nangta u Bah H. Nongpluh, IPS Addl. Director General of Police (SB/CID), U Bah M. K. Dkhar, IPS Inspector General of Police (ER/TAP) bad kiwei pat ki pulit ophisar ba la kham rim.

Katei ka Crime Branch Police Station, kan treikam hapoh superintendent of the Inspector General of Police (Eastern Range) bad kan treikam shaduh u pud Jing ki 6 tylli ki Distrik jong ka Eastern Range jong ka jylla, kiba dei kum ka East Jaiñtia Hills, West Jaiñtia Hills, East Khasi Hills, Ri-Bhoi, West Khasi Hills bad South West Khasi Hills.

Ki nongtrei jong ki Police Station kin pynlong ki jingtohkit halor ki jingjia ha ki jaka kiba hab hapoh kitei ki Distrik.

Katei ka Police Station kaba dang plie thymmai kan long ka Police station kaba 75 hapoh ka jylla bad kan don marpyrshah ka State Forensic Laboratory barim, kaba don hajan ka Shillong Bar Association.