Plie ia ka NICRA ha Umjalasiaw

Jowai, 5 Nailar:
Ka shnong Umjal asiaw kaba don hapoh ka Thadlaskein development Block, West Jaintia hills ka long ka shnong kaba donbok ban shahjiedna ka bynta ban ioh pyntreikam iaka NICRA (National Innovation onClimate Resilient Agriculture) project haka 4 tarik une u bnai.
Ka NICRA ka dei ka project jong ka sorkar India lyngba ka ICAR (Indian Council of Agricultural Research) kaba ia dei bad ka rukom rep kabalah ban ialeh pyrshah iaka jingkylla jong ka ma riang. Ka kong D. Syiemiong, Director ka tnat Agriculture jong ka sorkarMeghalaya ha ka jingkren jong ka kum ka kongsan haka jingplie ia kaneka projek, kala ong ba ka jingkylla ka jinglong ka suinbneng kam deishuh kaba ngi shu ia mutdur ne antad, hynrei kane kala jia shisha hangi mynta. I la ong ruh ba ia kane ka jingshisha la lap lyngba ki korthew ia ka jinghap slap kiba kane ka tnat treikam kala buh ha ki byntabapher bapher jong ka jylla bad la lap ba ka jinghap slap kala kyllabad kam dei shuh kum ha ki por kiba mynshuwa. Nalor ka jingbym thiknaka jinghap sap, ka jingshit jingkhriat ruh mynta kala kylla ha kane kajylla dangshen ha ki jaka ki byn ju ioh slap ruh, kala don kajingshlei um, katba ki jaka kiba ju ioh slap pat kila nangduna.
Kajingkylla jong ka jinglong jong ka suinbneng ka dei ka jingshisha badba ngi dei ban pynkhreh ia kata bad naka liang jong ka tnat ka rep kariang lyngba ka NICRA yn pynlong ia ki nongrep kiba la pynkhreh iakata ka jingkylla.Ka Director haka jingkren jong ka, ka la ong ruh ba tnat Krishi VigyanKendra (KVK) Jaintia hills ka la jied ban pyntreikam ia kane ka projekhaka shnong Umjalasiaw namar ba kane ka shnong ka dei kaba bit eh banpyntreikam ia kata ka project.
U Dr S.V. Ngathan, Director, ICAR-RC NEHR Umiam ula batai bniahshaphang kane ka projek NICRA kaba ka jingthmu bakongsan jong ka kalong ban pynlong ia ka rep ka riang, ki jingri jingdup, ki dohkhadohpnat kiba lah ban ialeh pyrshah iaka jingkylla jong ka suinbneng dakaba pyndonkam da ki lad ne ki rukom rep thymmai. Kane ka projek kanwad ruh ia ki lad ki lynti ban pyndonkam iaka rukom rep kaba thymmaikaban pynlait naka jingjulor naka jingkylla jong ka suinbneng. Badkaba kongsan ka long ban pynlong ia ki jingwad bniah (research) da kiriewstad-saian haka rep ka riang ia ki lad bad ki buit thymmai kibalah ban ialeh pyrshah iaka jingkylla jong ka suinbneng.
U ma M.J. Syngkon programme Coordinator jong ka KVK, Jowai ula ongbaka shnong Umjalasiaw kala shahjied namar ba ka jinghap u slap hakane ka shnong ka kham duna haba ianujor bad kiwei pat ki shnong badka don ka jingtyrkhong um kaba khraw haka por tlang. De namar katabala jied ia kane ka shnong ban pyntreikam ia kane ka projek. Ula ongshuh shuh ba kum kaba ioh iaka NICRA projek, kane ka shnong kan sdangia ki rukom pynlang um haka por slap ban ioh pyndonkam ha ka portlang. Ka sdang ruh iaka rukom rep thymmai ia ki jhur kum u kubi badki broccoli.
Kan sdang ruh iaka jingrep shana badam,prisbin, mator,riewhadem bad rymbai. Ka don ruh ka jinghikai ban pynmih ia ki sbohbad don jingim, sboh wieh bad sboh mariang kumjuh ruh ka rukom reptit. Ha kane ka shnong yn pyndonkam ruh da ka rukom test ia ka khyndewshwa ban rep.Haka liang ka rukom ri jingri ruh, yn sdang ia ka rukom ri dohkha halyngkha kba bad kiwei pat ki rukom ri dohkha.Kiwei pat kiba la ai iaka jingkren ha ka jingialang plie ia kane kaprojek ki dei u Dr. A.K. Tripathi, Director, Zonal Project Directorate, ZPD Zone III, Umiam, u N.S. Nongbri, Jt. Director Agriculture (R&T)cum state Nodal officer KVK bad kiwei pat.