Plie ia ka Lawkyntang Mawphlang

Shillong:U Lyngdoh jong ka Hima Mawphlang u bah C A Lyngdoh mynta ka sngi u la pynbna paidbah ba ka hima la shim ia ka rai ba yn plie paidbah noh ia ka Lawkyntang ha Mawphlang bad ia ka jingiaid kjat lyngba ka surok kulai u David Scott.

Kane ka jingplie paidbah ia kine ki ar tylli ki jaka iaid kai ki paidbah kan long naduh ka 01/12/2020 bad halor kane baroh ki nongwan jngohkai pyrthei ki dei ban da pynrung kyrteng ha ki Tourism Information Centre ha Mawphlang.

Na ka liang jong ka Hima kala ong ba baroh kito kiba wan ki dei ban bat ia ka jinglehkhuid bad ka jingkyntang jong ka Lawkyntang ka bad ki dei ban bud ki kyndon kiba la pynmih da ka sorkar jylla bad ka Hima Mawphlang Lyngdohship.

Na ka liang jong ka Hima kala ong ba ka hima kala pynbeit ia la ki jong ki kyndon ain bad la don kino kino kiba pynkhein la shem ba ki pynkhein ia ki kyndon kin shah pynshitom katkum ka ain.