Plie ia ka iing Dorbar Loom Iong Kyrwiang

Jowai, 12 Rymphang:
U ma Roy-tre Christopher Laloo, uba dei u symbud myntri rangbah ka sorkar jylla u la plie paidbah ia ka iing Dorbar cum Indoor Sports Auditorium ka Dorbar Shnong Loom Kyrwiang ha ryngkat ka jingiadonlang u MLA ka Shillong South, Sanbor Shullai, u MDC ka Laban, u Ricky Shullai, u Deputy Chief Executive Member ka JHADC, u MDC ka Nangbah, u ma Chemhok Garod nalor kiwei kiwei.
Ia kane ka iing dorbar la shna ia ka da ka 57 lakh da ka jingiarap ki nongmihkhmat kiba kynthup ia u PR Kyndiah (bam kwah ha dwar U Blei) 3 lakh, u ma Moonlight Pariat 3 lakh, na ka Sports Department  18 lakh, na ki ar ngut ki MLA, u Dr. RC Laloo 7 lakh 90 hajar, ma Singh Mulieh 1.80 hajar bad u ma Andrew Chullai 1 lakh bad na ka jingianoh synniang ki paidbah nongshong shnong, 7 lakh 69 hajar.
Haba kren ha ka jingialang kaba la pyniaid da u Rangbah Shnong u ma Hamewan Laloo, ki nongkren naduh u Chief guest, u guest of honour, u ma Andrew bad ki rangbah ka dorbar shnong ki la pynpaw ia ka jingiaroh ia ka jingia tylli paidbah ka shnong ha kaban tei ia kane ka iing dorbar lane ka Yung-walieh.