Plie ia ka iing dorbar ka Sein Raij Barato

Shillong: Mynta ka sngi, la plie paidbah ia ka iing dorbar lane ka Community hall Seiñ Raij Barato, kaba la pynioh da u MDC jong ka Thain, U Ma Aiborlang Shadap lyngba ka SAG Scheme 2019-20.

Ha kane ka sngi la plie paidbah ia ka, da u Ma Habahun Dkhar u ba long ruh u MDC jong ka 13 saphai constituency. Ia ka jingialang la pyniaid da u Ma L. Shadap chairman ka Sein Raij Barato. La ioh ruh ia ka jingkren pdiang burom da u Secretary ka Sein raij Barato Secratary ka Seiñ Raij,u Ma B. Talang ex Chairman shnong Barato.
Na ka liang jong u Ma Habahun Dkhar, u la sneng la kyntu ia ki khun ka Seiñ Raij ba kin sumar bad lehkhuid ia kane, khnang ba kan myntoi, ym tang ia ka mynta, hynrei ia ka la shai la shisngi.