Plie dukan ka Banalari sa ha Mawngap

Shillong 23 Naiwieng:
Ka Banalari World Cars ka la plie ia ka tnad die kali sa ha Mawngap hynne ka sngi bad ia kane ka dukan die kali la plie da u Rangbah Shnong u Bah Overland Kurbah ba la don lang u dealer ka kompeni Maruti Bah GM Lakiang bad ka Kong Banalari Khongwar.Kane ka dukan die kali kaba nyngkong ha ka thain Mawngap bad ka jingplie ia kane ka long ban pynsuk ia ki briew katei ka thain kiba ju thied kali bha na kane ka kompeni.U Bah Kurbah u la iathuh ba ka jingplie ia kane ka dukan kan long ruh kum ka lad ai kam ia ki samla ka thain bad ki briew.
Katba u Bah GM Lakiang u la ong ba kane ka thain ka dei kawei kaba jur bha ban thied kali ha kaba tang shi bnai ka jingdon ki briew ba thied kali kam duna ia ka 100 ngut. “Ngi plie ia kane ka jaka die kali ban pynsuk ia ki briew ban nym wan shuh shaduh Shillong. Ha kane ka jingplie, la don lang  Bah KC Khyriem u MLA ka Mawphlang, bad kiwei ki riew rangbah.