Plie dong thymmai U Sordar ka Mawryngkneng

Mawryngkneng,
23 Jylliew:
Hadien ka Dorbar Shnong Mawryngkneng ba la long ha ka 8 tarik u iaiong 2014, kaba la myn jur ban ithuh noh ia ka kyntoit Mawrisham kaba ju don hapoh ka dong Mawmang  kum ka kawei na ka dong hapoh jong ka shnong Mawryngkneng , ka Dorbar shnong hynnin ka sngi ka la leit ban pynskhem ia kane ka dong thymmai bad la ai kyrteng kum ka Mawryngkneng(Mawrisham).
Ia ka jingpynbna ia ka jinglong dong bapura la pynbna da u Sordar shnong mawryngkneng, u bah Peter J Lawai bad  Ia ki nongkitkam jong kane ka dong la ioh ban pynskhem da u.
Ia kane ka jingialang ban jied ia ki nongkitkam jong kane ka dong bad ka jingialang pynskhem  la pyniaid da u bah Dhosing Mukhim Tymmen shnong ,Dorbar shnong Mawryngkneng.Kiba la ai jingkren ki long  u bah Handle Mukhim,Treasurer shnong, bah Golden Mukhim, Rangbahdong Mawryngkeng (Mawmang), bah Dwing Myrboh,Ex-sordar shnong Mawryngkneng , bah Wanlambok Kharsati  General Secretary Dorbar shnong kum ka dak ka jingplie ia kane ka dong u bah Peter J Lawai u la khap ia u ribon.
Ki nongkitkam jong ka Dorbar Dong Maw ryngkneng (Mawrisham) Rangbahdong-Hama Nongrum, Secretary dong-Roibok Japang, Treasurer-Eklington Kharbihkhiew, Assistant Secretary-Welson Kharbihkhiew.