U Myntri Rangbah ka jylla u Dr.Mukul Sang ma bad u Acting Chief Justice of Megha laya High Court Justice T Nandakumar Singh ki la plie bad buh maw nongrim ia ka the District and Sessions Judge Court jong ka West Garo Hills ha ryng kat ka jingiadonlang u Meghalaya High Court Judge Justice S R Sen bad kiwei pat ha ophis jong u Deputy Commissioner ha Tura.
Haba kren ha katei ka jingialang u Sangma u la ong ba ka long kaba donkam ban don la ka jong ka tnad bishar na ka bynta katei ka district, khnang ba baroh ki kam ba ia dei bad ka tnad bishar ha katei ka district kan iaid beit iaid ryntih.
Haba pynshai ia ka jingdonkam ban shna ia ka District and Session Judge Court,u Dr Sangma u la ong ba katei ka ing bishar kan lah ban pyndep ia ki ba bun ki kam case ban bishar hok bad ha kajuh ka pork an iarap ia ki pulit kiba la khia palat ha ka ban tohkit bad ban pyndep ia ki ain ki kanun kiba donkam. U Dr.Mukul u la pan ka jingiatreilang na ki paidbah ha kiba bun ki liang daba ong ba ka jing myntoi bad ki kam pynroi ki wan tang lada ka don ka jingshong suk shong sain bad lada ki briew ki don ka jngkitkhlieh.U la kular ba ka sorkar kan pynbiang ia ki jingdonkam jong katei ka ing bishar.
U Justice T Nandakumar Singh u la ong ba ka lyngba ka jingdon ka District Court kan iarap ban pyndep kham kloi ia ki case bad u la ban jur ia ki pulit ba kin pyndep ia ki kamram jong ki.
Kiwei pat kiba la ia donlang ha katei ka sngi ki kynthup ia Justice S R Sen, Secretary, Law Department L M Sangma bad Deputy Commissioner i/c West Garo Hills, Ambrose Ch Marak. La wan ruh ban sakhi lang ha katei ka sngi da u Parliamentary Secretary i/c PHE & Urban Affairs, Noverfield R. Marak, Advocate General K S Kynjing, ki Additional Advocate Generals U Dr. B P Todi bad u Bah W HD Syngkon, U Registrar ka Meghalaya High Court, Bah W. Diengdoh, bad u nongbishar ba thymmai ka District & Sessions Judge, Tura u Bah E Kharumnuid .
Phi don ban ong eiei?