Plain bam shngiam ki dkhot ka Trinamool, ia ka bam jong ki dkhot ka BJP ha Haldia

Ha ka jing pynkhreh ia ka elekshon sha ka dorbar Jylla ha West Bengal, ka seng BJP, ka la sdang ban ther tyngeh ia ka seng Trinamool Congress.

U Dilip Ghosh, uba dei U President jong ka seng BJP ha West Bengal, mynta ka sngi, ula kren jot ia ka seng Trinamool, da kaba u ong ba ha ka jing ialang paidbah hynnin ka sngi, ha Haldia District, ki la wan bam ei, ki dkhot jong ka seng Trinamool, ia ka bam bang bam thiang, kaba la shet kyrpang, ba kin ia bam hun mynsiem, ki dkhot jong ka BJP, kiba poi sha katei ka jingialang. “Hynrei ki la bam lut plain ia baroh ka kam” ong U Ghosh.

Ym tang katta, la kynnoh ruh ba kitei ki nong kyrshan jong ka seng TMC, ki leit shoh ia u nongshet bam bad hadien kata, ki la bam shngiam ia ka bam ba la shet kyrpang ia kitei ki nongwan jingialang.