Phim treh ong “Bharat Mata ki Jai, ka vote jongphi kam don jingmut”

Ka Sonali Phogat, kaba dei ka kandidet jong ka seng BJP, ka la khie bitar ia ki paidbah, kiba don ha ka jingialang jongka, namar ba kim treh ban pyrta “Bharat Mata Ki Jai”.

Ka Sonali Phogat, kan iakhun ia ka elekshon na Adampur ha ka Jylla Haryana bad haba kim treh ban pyrta, kumba ka kwah, ka la kylli ia ki, la ki dei pynban kiba wan na Pakistan.

“Kito ki bym lah ban pyrta Bharat Mata Ki Jai, ki vote jongphi, kim don dor eiei ruh em. Nga sngew lehrain, ba ki don ki nong India, kiba kum maphi” ong ka Sonali Phogat.
Ka jingthep vote, na bynta ki 90ngut ki dkhot jong ka iing dorbar ha Haryana, kan long ha ka 21tarik Risaw bad ka jingniew vote, kan long ha ka 24tarik Risaw 2019.