Phi ioh ILP, haba phi khlem pan ruh, ong U Amit Shah ha Manipur

Imphal:U Amit Shah, mynta ka sngi, ula kren paidbah, ha ka jingialang ha Imphal, ha kaba ula ong ba ka jingai ia ka ain inner line permit (ILP), ka dei ka jingai kaba khraw tam jong U Narendra Modi, myntri rangbahduh ka Ri ia ka Manipur.

“Phi ioh ia ka ain ILP, haba phi khlem pan ruh” ong U Shah, ha ka jingkren ha ka jingialang paidbah.

U Modi, u iohi, ba ka Manipur, kam don satia ia ka ain ILP, katba kiwei ki jylla ba marjan, ki la don lypa bad u shim namarkata, ba ka dei ka jingleh niewbein ia ka jylla bad kumta, u wad ia ka lynti ban pynurlong, ong U Amit Shah.

“Ka dei ka jinghun mynsiem kaba khraw shi katdei, haba ka Manipur, ka ioh ia ka ain ILP, ha ka 11tarik Nohprah 2019” ong U Shah.

U Shah, u wan poi mynta ka sngi ha ka jylla Manipur, ha ka jingwan ba lai sngi jongu, sha ka thain shatei lam mihngi, ha kaba ula don ha ki ar sngi ba ladep ha Assam.