“Phi don jabieng ne em” ther U Bah Prestone ia ki engineer NHIDCL

Shillong:U bah Prestone Tynsong, symbud myntri rangbah ka Jylla, uba bat ia ka tnat PWD, u la ther tyngeh, hynnin ka sngi saitjain, ia ki enjiniar jong ka NHIDCL, halor ka jingleh torti jongki, ha kaba pyntrei ia ka surok ha Riat Rngain.

Haba leit peit ia katei ka jaka, kaba twa khyndew, ula pyni, ia u lum, uba lah ban twa noh ha kano kano ka por, U bah Tynsong, u ong “Phim iohi, ba lada phi trei ia une u lum, kumta ka bynta kaba na jrong, kan sa shu hap hi” bad ka dei ruh ha katei hi ka por, ba u kylli, ia kitei ki engineer ka NHIDCL, kiba don ha katei ka jaka “Phi ia don jabieng ne em?” bad nangta, ula u la bthah ruh ba ki dei ban phah hiar mardor ia ki riew shemphang sha katei ka jaka, na ka IIT Guwahati.