Phet tuh 3 ngut ki nongpang Covid-19, na ka jaka sumar ha Guwahati

Ki pulit jong ka Nalbari bad ka Hojai, ki la ioh ban kem ia 3 ngut kiba pang covid19, kiba la phet tuh, na ka jaka sah jongki ha Sarusajai centre, Guwahati, Assam. Ki pulit, ki la ioh kem ia kitei ki 3ngut, hadien ba ki la khynra, ha ki bun ki jaka jong ka sor bah Guwahati.

Kitei ki lai ngut kiba shah kem, kiba don ia katei ka jingpang, ki long U Hamidul Ahmed bad U Shajahal Ali na Nalbari. U nongpang, uba lai, u dei U Md Saidul Alam na Hojai.

Na ka liang U Dr Himanta Biswa Sarma, myntri ka koit ka khiah ka sorkar Assam, u ai khublei ia ki pulit ka Nalbari bad ka Hojai, ba ki la ioh ban kem ia kitei ki nongpang kiba phet tuh.