Phet seng PDF, U Vice President ka East Khasi Hills lem bad 40ngut kiwei pat

Shillong: U Bah Spar Lyngdoh, na Syllai Ulor Mylliem, ula phah ia ka shithi iehnoh kam jongu mynta ka sngi sha U President PDF, Mylliem Zonal Committee.

U Bah Spar, u iathuh ba ula iehnoh kam kum U Vice President jong ka seng PDF, East khasi Hills District bad ula weng noh ruh ialade kum U Adviser Mylliem Zonal Committee ryngkat bad ki 40ngut ki paralok jongu, kiba kyrshan ia katei ka seng.

Katei ka jing iehnoh kam jong U bah Spar Lyngdoh, la iathuh ba ka trei kam naduh mynta ka sngi hi, ka 9tarik Nailur 2019.