Phet seng arngut ki heh Congress, uwei sha ka ULFA (I), uwei sha ka TMC

Guwahati: Ka seng Congress, ka la duh mynta ka sngi, ia arngut ki nongialam ba rangbah jongka bad kitei ki arngut, ki kynthup ia uwei uba leit pyniasoh sha ka seng TMC, katba uwei pat, uba leit iasoh sha ka seng ULFA (I).

U Janardan Gogoi, u dei uwei na ki nongialam jong ka seng Congress, uba la leit ban pyniasoh ialade sha ka seng ULFA (I). U Gogoi, u dei u nongialam ka seng Congress na Sadiya, kaba ha Tinsukia bad u dei U Vice President ka Tinsukia district Youth Congress Committee (I). U Gogoi, u pyntip ia ka jingiasoh ULFA (I) jongu ha ka peij jongu, ha ka facebook bad ula thoh da ka shithi ruh sha ka tnga jongu, halor ka daw, kaba pynlong, ba un pyn iasoh bad ka seng ULFA.

Ha kawei pat ka jingjia, U Ripun Bora, uba dei U President barim jong ka seng Congress, ula pyniasoh ialade mynta ka sngi sha ka seng TMC. U Bora, u pyniasoh ialade sha ka seng TMC, ha Kolkata, ha ka jingdon ryngkat jong U Abhishek Banerjee, General Secretary jong katei ka seng.

Kham mynshwa, mynta ka sngi hi, U Ripun Bora, ula phah ia ka shithi phet seng jongu sha ka Sonia Gandhi, nongialam jong ka seng Congress.