Phet rieh U President ka Sri Lanka bad ka tnga sha Maldives

U Gotabaya Rajapaksa, President ka Sri Lanka, hynnin ka miet, ula phet rieh noh ialade na katei ka Ri ban leit shong leit sah sha Maldives.

U Basil Rajapaksa, uba dei u para jongu, uba dei ruh u myntri ka tnat pla pisa; ula shah khang lynti, ha ka Sngi nyngkong ba ladep, katba u dang thmu ban phet rieh ialade sha Dubai. U Basil, uba 71 snem ka rta, u la shah kynnoh, ba u dei uwei na kiba la pyngngam ia ka spah jong ka Sri Lanka, da ki kam lutphut jongu.

U Gotabaya Rajapaksa, ula phet hynnin ka miet, da ka liengsuin ki shipai bad hiar khyndew ha Male jong ka Maldives. U President, ula phet rieh ha ryngkat ka tnga jongu bad san ngut na ki dkhot jong ka iing jongu bad 3ngut ki nongtrei.

U Rajapaksa, un hiar shuki mynta ka sngi, kum u President bad ka ain, ka bthah, ba un dei ban phah ia ka shithi iehnoh kam jongu, sha U Chief Justice ka Sri Lanka bad ia ka kopi, ban phah sha u myntri rangbahduh bad sha u lamphang ka Parliament.