Phet rieh ki pulit khrong pisa, ba rai beh kam U SP

Jowai, 19 Jymmang:
Ha ka jingiadei bad ka jinglum pisa be-ain ki katto katne ki pulit hynnin ka sngi ha Tah khniang, Tuberkmai shnong, na ka liang u SP ka East Jaintia HIlls u la pyntip ba hadien ka jing tohkit, la lap ki don 3 ngut ki police kiba donkti bad ia kitei ki lai ngut la ujor ejahar bad register mukot duma ia ki katkum ka kyndon 384/34 IPC.
Kitei ki lai ngut kiba la donkti ki dei kiba la tip kum u UB/37 B Phalanki, BNC. Havilder L Inghi bad u Driver ABC/01 C Pohkhloo. Shuh shuh na ka liang u SP u la weng kam shipor ruh ia ar ngut ki constable katba uwei pat u BNC ka 3rd Battalion la aiti sha u Commandant ban leh ia kaba donkam.
Haduh ba la thoh ia kane ka khubor, kitei ki pulit kiba la shah ujor ejahar ki la phetrieh bad ki pulit kim shym la iohkem satia ia ki.