U President ka Sri Lanka, U Gotabaya Rajapaksa, ula poi mynta ka sngi ha Singapore, hadien ba ula mih noh na Maldives bad katei ka dei hadien ba ula mih noh, na ka Ri lajong, na Sri Lanka, kaba don ha ka jing ia kynad kaba jur ha kine ki sngi, namar ka jingduk jingkyrduh kaba jubor bha.
U Rajapaksa, ula pynbna, ba un hiar shuki ha ka sngi balang, hynrei u lamphang dorbar jong ka Sri Lanka, U Yapa Abeywardena, u iathuh, ba um pat ioh satia ia ka shithi iehnoh kam jong U President Rajapaksa.
Na ka liang ki nongiakhih pyrshah, ki la pynbna, ba kin mih noh mynta ka kut taiew, na ka jaka sah jong U President Rajapaksa, hadien ba ki la ioh kurup bad ki la shong la sah, la bun bun sngi, ha katei ka dulan bah jong U President.
U Rajapaksa, ula leit sha Singapore, da kaba u leit da ka liengsuin jong ka Saudi Arabia bad la iathuh ba u mih na Maldives, ban leit beit sha Singapore.
Phi don ban ong eiei?