Phet krad u MLA Gambegre, ban kiar na ka EC

Tura:U MLA ka Gambegre uba long ruh u kyrtong ka Congress, u Saleng A Sangma, ula phet krad bad kiar ïa ka kynhun jong ka Election Commission ban talasi ïa ka kali kaba u shong.

Katei ka kynhun ryngkat ka jingdonlang ki pukit ka la kthong ïa ka kali u Saleng bad ka la ïoh bat ha kawei ka surok kaba don ha Gambegre bad ki la pynlong ïa ka jingtalasi ïa ka kali hynrei kim shym la lap eiei satia.
Ka Election Commission ka la buh ïa ki kynhun peitngor bad ki pulit ha Gambegre, kaba jngai kum ba 9 mile, na ka nongbah Tura.

Katei ka kyn hun haba ka la shem ïa ka jingïaid ka Gypsy pulit kiba ai jingïada ïa u MLA kaba thmu ban leit sha Gambegre, kumta kila phah sa ngeh ïa ka kali, hynrei kim shym la kohnguh ïa ka jing bthah ka kynhun peitngor, pyn ban ki la ñiah sted bad phet na katei ka jaka hynrei ki pulit ki la ïoh ban bat ïa katei ka kali kaba shong u MLA ha kaba kila pynlong ïa ka talasi kaba bniah bha.

Watla ïa katei ka kali bad ïa u MLA ym shim la bat ne kem, namar ka jingpynkheiñ ïa ka jingbthah jong ki bor kiba dei khmih kumta la pynsangeh shi syndon ban buh ïa ka police escort bad ïa ki personal security officers (PSO) bad la phah noh ïa ki ba kin leit phai noh sha Shillong.
La rejistar case halor katei ka jingjia bad ki pulit kila pynpaw ba kin ïaid katkum ki kyndon aiñ ban pynthikna ba yn ym don mano mano ruh kiba lah ban pynkheiñ ïa ka aiñ.