Phet krad u GNLA na Civil

Shillong,18 Iaiong:
Uwei u lehnoh ka Garo National Liberation Army (GNLA), u la phet krad na Civil Hospital, Tura ka jaka ba la sumar ia u. Utei u dkhot ka GNLA u dei uba la tip kyrteng kum u Brijio M Marak, u la shah sumar ka Civil Hospital,Tura hadien ba u la mynsaw jur na ka jingshah soh ha u paidbhur ha Ampati. Nyngkong la phah sumar ia u sha CHC kaba don ha Ampati hynrei la pynkynriah noh sha Tura namarba u la mynsaw jur.
U Marak bad u paralok lehnoh jong u u Ringrang A Sangma ki la shah shoh jem ha u paidbhur ha Ampati , South West Garo hills district ha ka sngi balang jong ka taiew, namar la kynnoh ba ki la leit sha katei ka shnong ban dawa pisa. Hadien ba la tied jem jai ia ki-u paidbhur u la aiti noh ia ki baroh ar ngut sha ki pulit. La iathuh ba u Marak u la khein ka kti ka mon ha katei ka jingjia.
La pynkit ia ki sha Tura Civil Hospital ha ka sngi palei hynrei ha katei hi ka juh ka sngi u Marak u la ioh phet krad noh na ka kamra ba sumar ia u kaba la don lang bad doktor ryngkat ara ngut ki pulit pahara.
U SP ka South West Garo Hills u R Muthu u la iathuh ba kitei baroh ar ngut ki la leit sha katei ka shnong ban dawa apisa bad u paidbah ba la khie bitar u la bom jem ia ki bad hadien pat ki pyntip pulit, u la iathuh ba na kitei ar ngut la ioh kurup ar tylli ki mobile, ki shithi dawa pisa bad ki dur ki lehnoh GNLA.