Phet krad lut ki khar bylla, na ki krem dewiong na Jaintia

Shillong, 21 Jymmang:
“Ba kan da long kumne te, ym i donkam shuh ban dang ia dawa Inner Line Permit Bill” ong uwei u rangbah, uba ju kamai dewiong bha ha kine ki sngi. Ula iathuh shuh shuh, ba mynta da ki phew hajar, ki khar nongbylla, ki la ia phet krad lut, wat la ki don pat katto katne na ki, kiba dang don sha Jaintia Hills bad kitei ki dei kiba la don la ki iing ki sem jongki.
Kam dei tang katta, hynrei, la iathuh ba myn ta, ki don da ki phew hajar tylli ki trok, kiba shu shong sngi, la shitaiew eiei, naduh ba la khang ba kin kit dewiong bad katei ka la pynmih ia ka jingshong khlem kam jong ki phew phew hajar ngut ki nongniah bad ki nongbud kali.
Ka jingeh mynta, ka mih, ba kin don da ki phew hajar tylli ki trok, kiba la shu shim ram napoh Bank, ha kaba, kin nym lah satia ban siew ram, lada jia ba kam plie noh, ka iew ia kit dewiong, ha ki khyndiat sngi ban sa wan.