Phet krad ki stad kiba tohkit ia ka khlam corona, na China sha ri sepngi

Ki stad jong ka China, kiba don ha ka jingtohkit halor ka khlam coronavirus ha Wuhan, ki la phet rieh ialade sha ki ri sepngi, ong U Steve Bannon, uba dei uwei na ki riew shemphang ha ka sorkar jong U Donald Trump ha Americal.

U Steve Bannon, u iathuh ha ka kotkhubor The Mail, ba mynta ki pulit syntiat jong ka America, ki dang tih bniah bha halor kane ka jingjia, ba kin ioh ban ujor pyrshah ia ka Beijing, halor ka jingjia jong kane ka khlam, kaba la pyn sohsat ia ka pyrthei baroh kawei.

U Bannon, u iathuh ba ka jingjia jong kane ka jingpang, ka dei lyngba ka jingmih ka lyer bih na ka karkhana shna dawai lane na ka Institute of Virology ha Wuhan bad katei ka dei ka jingjia, kaba don da ka jingthmu ban pyniap briew; katba ka China, ka kyntait ia katei ka jing kynnoh ki ri sepngi, da kaba ka kam, ba katei ka khlam, ka mih na iew bad dang shen, ka sorkar China, lyngba ka Centre for Disease Control and Prevention, ka la pynshai biang dang shen, ba katei ka khlam, ka dei kaba mih na iew.