Phet ki Nongialam ka HSPDP Mawlai

Shillong, 14 K’lyngkot:
Ki Nongialam bad ki Dkhot jong ka Hill State Peoples Democratic Party (HSPDP) Mawlai Constituency ha ryngkat ki Primary Unit na ki dong bapher bapher, kila iehnohkam hynnin ka sngi halor ka nongrim ba la jied ia u Kyrtong elekshon MDC-2014 na ka Constituency khlem sngap ia ka sur kiba bun.
Ka kyrwoh bala phah da u Ba C Shabong Vice President bad Bah Rostarwell Kharryngki Secretary, ka la ong ba ki Nongkit kam bad ki dkhot ha ryngkat ki Primary Unit, kila iakynduhlang ha ka 8 tarik Kyllalyngkot ban iatai halor ka jingpynbna ka Party ia u Kyrtong Bah Panbor L Ryntathiang, ban aireng ha ka elekshon MDC na Mawlai. Ki Nongialam bad ki Dkhot kila pyrshah jur bad ym sngew iahap ia ka rukom jied ia une kyrtong namar la jied ia u khlem da sngap ia ka sur uba bun balang.
Ka kyrwoh ka ong ba ka Party kala shu pynbna beit beit ia ka kyrteng u Bah Panbor kum u kyrtong ha ka jingialang kaba long ha ka 23 tarik Nohprah 2013 bad ka khlem ailad ia ki Nongkyrshan kiba don ka jingthrang ban kyrshan ia u Bah Rosterwel Kharryngki kum u kyrtong.
Kine ki dkhot bala mih na ka HSPDP, kin sa iakynduh shen ban iapyrkhat la kin iaid shakhmat ban pynieng ia u Bah Rostarwell na kawei pat ka Seng ne kin kyrhan noh ia uwei u kyrtong.