Phet HSPDP, ba duh tiket

Shillong 23 K`lyngkot:
U Bah Kodios Thongni u la phet noh na ka Hill State Peoples’ Democratic Party (HSPDP) namar ba ka party kam shym la ai ia ka tiket ba un iakhun ha kane ka elekshon MDC na Jirang constituency.
U Bah Thongni u la pyniasoh sha ka HSPDP ha kine ki khyndiat bnai na ka bynta ban mih iakhun ia ka elekshon MDC na Jirang Constituency, hynrei u la pynbna mynta ka sngi ba u la mih noh na kane ka Party hadien ba ka Party ka la pynbna mynta ka sngi ba kan ai ia ka tiket na Jirang Constituency sha ka Kong Nosi Lyngdoh.
Haba pynpaw ia ka jingsngewsih, u Bah Kodios u la iathuh ba ha ka jingialang bad ki paidbah nongkyrshan, ki la shim ia ka rai ban mih noh na ka HSPDP namar ka jingkyntait ban ai ha u ia ka tiket.
“Watla ngam shym la ioh ia ka tiket na ka HSPDP, hynrei ngan ym randien noh namar ngam lah satia ban shukor ia ki paidbah nongkyrshan hadien ba nga la dep shim ia ka rai ban mih iakhun ia ka elekshon,” u la ong.
‘Ia mynta ngam pat shim ia kano kano ka rai ba ngan iakhun na kano kano ka seng,’ haba kylli ia u hato un leit iasoh neem sha kiwei pat ki seng sainpyrthei ban ioh ia ka tiket.