Phet bak ar ngut ki snar ialehkai ka England, naba synreit champagne, ba ka long pyrshah niam

Haduh katno ki nongialehkai Muslim, ka England, ki skhem triang ka jingngeit niam jongki, ha kaba wat haduh ha ka jingkmen ba ki la ioh rah ia ka nam lahduh ha ka World Cup, hynrei ki kynmaw hi triang, ba ka met jongki, kam bit satia ban dei kyiad.
Katei ka jingjia, ka dei ha ka por ba ki nongialehkai jong katei ka ri, ki la ioh ia ka trophy jong ka nam lahduh, kumta ki ia lalum lang ban ia shad ia kmen bad kumba ju long ka rukom, ki la ia kynshait para ma ki, da ka champagne, hynrei ha katei ka por, ki arngut ki nongialam Muslim, kiba kynthup ia U Adil Rashid bad U Moeen Ali, ki la ia phet bak, na katei ka jingialum, namar ba ka niam Islam, ka maham ban pyndei kyiad ha ka met jong kito kiba long niam Muslim. La iathuh ba ha ka por, ba ki para nongialehkai, ki dang synreit ia ka champagne sha ka liang ba ki don kitei ki arngut, kumta ki la phet bak na katei ka rynsan.
Hynrei mar ia dep katei ka jing ia kynshai champagne, kitei ki arngut ki sa wan phai biang ban bteng ka jing ia shad ia kmen bad ki para nong ialehkai jong ka kynhun lahduh ka England.