Phai thylli ki nongshim dawai ha Patharkhmah

Shillong, 10 Rymphang:
Ki briew ba leit ban shim dawai na Pathar-khmah CHC Ri-Bhoi ki la hap ban leit thylli noh sha iing namar ba ka bor pyniaid kane ka jaka sumar ki pynlong ia ka jingpynkhuid ia ka hospital.
Haba pyntip halor kane, u nongialam ka CoRP u Bah GS Hat mynta ka sngi, u la ong ba bun bah ki briew kynthup ki longkmie, ki rangbah kiba thmu ban leit shim dawai hynrei ynda la poi ha katei ka jaka ai dawai, ki nongtrei ki la ong ba kim lah ban ai dawai namar ba ka dei ka sngi pynkhuid ia ka hospital.
Na ka liang ka CoRP ka la pynpaw ia ka jingsngew lyngngoh ba katei ka jaka sumar kan kyntait ban ai dawai ia ki nongshim dawai tang namar ba pynkhuid hospital.
“Ha ka jingshisha, lada ki pynkhuid ruh, kim dei ban sangeh ban ai dawai namar ba ia uba pang, ym lah ban phah ap hynrei donkam ban ai dawai”, la ong u Bah Hat.