Phai ka Congress, sha ki rit paid

Shillong, 2 Naiwieng:
Ka tnat kaba peit ia ki rit paid jong ka All India Congress Committee ka dang pynkhreh ia ki lad ki lynti ban khring ia ki rit paid Khristan, Muslim, Bhuddhist bad kiwei de ki rit paid jong ka thain shatei lam mihngi, ba kin pyniasoh ialade bad ka seng Congress. La aiti ia katei ka kam, ha U Rejaul Karim Laskar ba un pynkhreh ia ki lad ki lynti, na ka bynta ki phra tylli ki Jylla jong ka dong shatei lam mihngi bad ban ia kynduh ia ki nongialam jong ki seng Congress, ha ki Jylla bapher. U Laskar, ula ia kynduh ia kynduh ia U bah DD Lapang President ka Meghalaya Pradesh Congress Committee mynta ka sngi, ha kaba ki la ia syllok bad ba U Bah Lapang, ula ai jingmut ruh ban pynrung ia ki katto katne ki mat ha ka kaiphod jong katei ka komiti.
U bah Lapang, ula ia kynduh ruh ia U Hiranya Bora, MLA barim bad U General Secretery barim jong ka North East Congress Co-ordination Committee, ha kaba ki la iakren na ka bynta ban nang pynkhlain shakhmat ia ka NECCC.