Nongpoh: Ka Kong RM Kurbah, Deputy Commissioner Ri Bhoi District, ka la aiti ha ka Magistrate ban pynlong ia ka jingtohkit halor ka jingujor da ki nongialam GSU Byrnihat Region, kiba la ujor sha ka DC, lyngba ka jingthoh pyrshah ia u Manoj Sharma, Manager ka Orient Health Food Private Limited, kaba don ha Rajabangan, Byrnihat, halor ka jingkynnoh utei u Manager ba la kynnoh ba u leh kynshlein ia ki kynthei bad nalorkata, la kynnoh ruh ba u pyntrei da ki khynnah rit.
Ka Kong R.M Kurbah, ka la ong ba tang mar ia ioh ia katei ka shithi jingujor na ki nongialam ka GSU, ka la shimkhia mardor halor katei ka kam bad ban phah tohkit halor katei ka jingjia, khnang ban lap ia ki jingshisha baroh.
Ka la ong ruh, ba ia kaba mynta ka dang ap halor ka kaiphod ban sa phah da ka Magistrate kumba la bynshet ban tohkit halor katei ka kam bad lada lap ba u donkti shisha halor katei ka jingshah kynnoh, kaba mut ba na ka liang ka ophis jongka kan sa shim khia ban leh katkum ki kyndon jong ka ain.
Phi don ban ong eiei?